دبئی (مانیٹرنگ ڈیسک )پاکستان کرکٹ ٹیم کے ہیڈ کوچ ثقلین مشتاق نے ایشیا کپ کے فائنل میں شکست کے بعد ناقدین کی تنقید پر ردعمل دیتے ہوئے کہنا تھا کہ محمد آصف کے ہاتھ میں 4ٹانکے تھے جبکہ شاداب خان کے کان سے سر میں چوٹ لگنے کی وجہ سے خون بہہ رہا تھا پھر بھی انہوں نے بیٹنگ کی ۔
تفصیلات کے مطابق دبئی میں پریس کانفرنس کرتے ہوئے ثقلین مشتاق نے کپتان بابر اعظم سے متعلق کہا کہ میں اس سے مطمئن ہوں، اس نے اپنے بولرز کو بہترین طریقے سے استعمال کیا، اس کی بدقسمتی ہے جو رنز نہیں کر پارہا،وہ ورلڈ کلاس پلیئر ہے اس نے ہماری قوم اور ٹیم کو بہت کچھ دیا ہے۔
ہیڈ کوچ نے مزید کہا کہ باہر بیٹھے لوگ اس بات کا اندازہ نہیں کرسکتے کہ ڈریسنگ روم یا کھلاڑیوں کے دماغ میں کیا چل رہا ہے، وہ صرف میچ کے بعد اسکور کارڈ ہاتھ میں پکڑ کر تبصرے کرنا شروع ہوجاتے ہیں۔
