بابر اعظم کو کیسے آؤٹ کیا جا سکتا ہے؟ سابق کیوی کرکٹر نے ٹرک بتا دی

والنگٹن(نیوز ڈیسک) نیوزی لینڈ کے سابق اسٹار آل راؤنڈر اسکاٹ اسٹائرس نے بھی بابر اعظم کو موجودہ دور کا نمبر ون بیٹر قرار دیتے ہوئے کہا کہ انہیں آؤٹ کرنا بولرز کے لیے بہت مشکل ہوتا ہے۔متحدہ عرب امارات میں کچھ روز بعد شروع ہونے والے ایشیا کپ کے لیے گرین شرٹس بابر اعظم کی قیادت میں یو اے ای میں موجود ہے اور ٹورنامنٹ کی تیاریوں میں مصروف ہے۔ایشیا کپ میں شائقین کرکٹ کو پاکستان اور بھارت کے درمیان ہونے والے ٹاکرے کا بے چینی سے انتظار ہے جو 28 اگست کو ہونے جا رہا ہے۔

پاکستان کرکٹ ٹیم کے کپتان بابر اعظم کی صلاحیتوں کی دنیا معترف ہے اور انہوں نے گزشتہ برس ہونے والے ٹی ٹوئنٹی ورلڈکپ میں بھی بھارت کے خلاف 68 رنز کی شاندار اننگز کھیلی تھی۔اب نیوزی لینڈ کے سابق اسٹار آل راؤنڈر اسکاٹ اسٹائرس نے بھی بابر اعظم کی تعریف کرتے ہوئے کہا ہے کہ بابر اعظم اس وقت نمبر ون بیٹر ہیں۔قومی کرکٹر کو آؤٹ کرنے کی ٹرک بتاتے ہوئے سابق کیوی کرکٹر نے کہا کہ بابر اعظم کو آؤٹ کرنے کے لیے بولرز کو خاص گیند کرنا پڑےگی کیونکہ ذرا سی بھی غلطی گیند کو باؤنڈری سے باہر لے جا سکتی اسکاٹ اسٹائرس نے کہا کہ مجھے بابر اعظم کی کمزریوں کو جاننے کے لیے گھنٹوں ویڈیوز دیکھنا پڑیں گی۔قومی ٹیم کے نوجوان فاسٹ بولر شاہین شاہ آفریدی کے ٹورنامنٹ سے باہر ہونے پر اسٹائرس نے کہا کہ شاہین ایک باصلاحیت بولر ہیں، بھارت ہی نہیں تمام ٹیموں کے ٹاپ آرڈر بیٹر شاہین کے نہ کھیلنے پر خوش ہوں گے۔سابق کیوی کرکٹر نے کہا کہ شاہین آفریدی کی غیر موجودگی میں دیگر ٹیموں کے ایشیا کپ جیتنے کے امکانات بڑھ گئے ہیں۔