تحریک انصاف کی مشکلات میں اضافہ ، اسلام آباد ہائیکورٹ نے بھی بڑا جھٹکا دیدیا

اسلام آباد (نیوزڈیسک)اسلام آباد ہائیکورٹ نے 9 حلقوں میں ضمنی انتخابات کے شیڈول کی فوری معطلی کی استدعا مسترد کر دی پاکستان تحریک انصاف کی فوری معطلی کی استدعا مستردکر دی ۔ قائم مقام چیف جسٹس اسلام آباد ہائیکورٹ جسٹس عامر فاروق نے تحریک انصاف کی درخواست پر سماعت کی ، فاضل جج نے سوال کیا کہ الیکشن شیڈول معطل کرنے کا کیا قانونی جواز ہے ؟

الیکشن کمیشن کے پاس نشستیں خالی ہونے کا معاملہ آیا تو انہوں نے شیڈول دے دیا ، جس پر پی ٹی آئی کے وکیل نے مؤقف اختیار کیا کہ ہم تو پہلے دن سے الیکشن مانگ رہے ہیں لیکن سب نشستوں پر ایک ساتھ کرائیں ،جسٹس عامر فاروق نے پی ٹی آئی کی درخواست مسترد کرتے ہوئے کہا کہ 16اگست کو اس معاملے کو دیکھیں گے،اور الیکشن کمیشن کو نوٹس جاری کرتے ہوئے عدالت نے الیکشن کمیشن سے 16اگست کو جواب طلب کر لیا ۔