لاہور (نیوز ڈیسک)پنجاب کابینہ کے 21 ارکان نے حلف اٹھالیا، گورنر پنجاب بلیغ الرحمان نےارکان سے حلف لیا، اس موقع پر گورنر ہاؤس عمران خان کے نعروں کی گونج اٹھا۔تفصیلات کے مطابق گورنرہاؤس لاہور میں صوبائی کابینہ کی حلف برداری کی تقریب ہوئی ، تقریب حلف برداری میں وزیر اعلی پنجاب پرویزالٰہی ، ارکان قومی و صوبائی اسمبلی اور تحریک انصاف کے رہنما شریک ہوئے۔
تقریب میں پنجاب کابینہ کے 21 ارکان نے عہدے کا حلف اٹھایا، گورنر پنجاب بلیغ الرحمان نے حلف لیا۔وزیرکی حیثیت سے حلف اٹھانے والون میں اسلم اقبال،علی عباس شاہ،محسن لغاری ، تیمورملک،راجہ بشارت،راجہ یاسرہمایوں ، انصرمجیدنیازی،منیب سلطان چیمہ اور سردارشہاب الدین شامل ہیں۔مرادراس،یاسمین راشد، خرم شہزادورک،محمدہاشم ڈوگر ، آصف نکئی،علی افضل ساہی،نوابزادہ منصورعلی خان،حسین گردیزی ، غضنفرعباس چھینہ، لطیف نذر، حسنین دریشک اور محمودالرشید نے بھی حلف لیا۔
اس موقع پر گورنر ہاؤس لاہور میں چیئرمین پی ٹی آئی عمران خان کے نعروں کی گونج اٹھا ، صوبائی کابینہ نے عوامی مسائل حل کرنے کیلئے بہترین کارکردگی دکھانے کے عزم کا اظہار کیا۔وزیر اعلی پنجاب پرویزالٰہی نے حلف اٹھانے والے صوبائی وزرا کو مبارکباد دیتے ہوئے کہا امید ہے صوبائی وزرااپنی ذمہ داریاں بطریق احسن نبھائیں گے اور عوام کی خدمت کے لیے دن رات ایک کریں گے۔
